اسلام آباد (سی این پی )فنانس ڈویژن نے غیر ملکی قرضوں کے اعدادوشمار پر دو اداروں کے موقف میں اختلاف کی خبروں کو سختی سے مسترد کرتے ہوئے کہا ہے کہ اخبارات میں شائع ہونے والی خبروں میںکہا گیا ہے کہ جولائی تا دسمبر 2019کے دوران حکومت کے غیر ملکی قرضوں کے بارے میں حکومت کے دو اداروں کے موقف میں اختلاف ہے ۔ فنانس ڈویژن کے ترجمان کی جانب سے جاری کئے گئے بیان میں کہا گیا ہے کہ دونوں اخبارات میں شائع ہونے والی خبریں من گھڑت ، غیر اخلاقی، بے بنیاد اور صحافتی اصولوں کے منافی ہیں ۔ ترجمان نے مزید کہا کہ فنانس ڈویژن نے اپنی 25جنوری 2020کی وضاحت میں کہا ہے کہ جولائی تا دسمبر 2019کے دوران حکومت کے خالص غیر ملکی قرضے 1.7ارب ڈالر رہے ہیں ، اس حوالے سے حکومت کے کسی اور ڈیپارٹمنٹ کی طرف سے اعدادو شمار میں ان کی نفی نہیں کی گئی اور نہ ہی اس طرح کی کوئی وضاحت وزارت کی جانب سے جاری کی گئی ہے ۔ ترجمان نے واضح کیا کے فنانس ڈویژن کی جانب سے جاری کی گئی وضاحت صرف میڈیا میں حکومتی قرضوں کے بارے میں چھپنے والی خبروں کے حوالے سے ہے ۔ انہوں نے کہا کہ خبروں میں سابقہ قرضوں کی ادائیگی کے اعداد وشمار نہ دے کر تصویر کا صرف ایک رخ پیش کیا گیا ہے ۔ وزارت نے واضح کیا ہے کہ جولائی تا دسمبر 2019کے دوران 5.5ارب ڈالر کی ادائیگیاں بھی کی گئی ہیں جن میں حکومت کی طرف سے 3.8ارب ڈالر کے غیر ملکی قرضوں کی ادائیگی بھی شامل ہے اسطرح جولائی تا دسمبر2019کے دوران قرضوں میں صرف 1.7ارب ڈالر کا اضافہ ہوا ہے نہ کہ 5.5ارب ڈالر کا ،جیسا کہ اخبارات میں شائع شدہ خبروں میں کہا گیا ہے ۔ ترجمان نے مزید کہا کہ رپورٹر نے دو حکومتی اداروں کے درمیان اختلافات پیدا کرنے کی ناکام کوشش کی ہے۔ ترجمان نے کہا ہے کہ فنانس ڈویژن کے اعدادو شمار پر کسی دوسرے سرکاری محکمہ کو کوئی اختلاف نہیں ہے
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار
پاکستانی طلبا پر تشدد، کرغستان کے ناظم الامور کی دفتر خارجہ طلبی
یقین ہے حکومتِ کرغستان اپنی سرزمین پر پاکسانیوں کا خیال رکھے گی، بلاول بھٹو
ٹرک کھائی میں گرنے سے ایک ہی خاندان کے 13 افراد جاں بحق
28 مئی کو جنرل کونسل کے اجلاس میں نوازشریف کو پارٹی صدر منتخب کیاجائے گا
اسلام آباد شہری کے علاقوں میں 100 گرام روٹی کے قیمت 18 روپے مقرر