اسلام آباد(سی این پی)پاکستان کرکٹ بورڈ کی جانب سرفراز احمد کو کپتانی سے ہٹانے پرپاکستان تحریک انصاف کے سینیٹر فیصل جاوید نے اس فیصلے کو سمجھ میں نہ آنے والا قرار دیا ہے۔سرفرازاحمد کو کپتانی کے تینوں فارمیٹس سے ہٹانے کی خبرپر فیصل جاوید نے سماجی رابطوں کی ویب سائٹ ٹوئٹر پرتبصرہ کیا۔اپنے پیغام میں فیصل جاوید نے لکھا کہ سرفراز کو تینوں فارمیٹس کی کپتانی سے ہٹائے جانے کا علم ہوا ہے۔ ون ڈے اور ٹیسٹ میچ کا تو علم نہیں لیکن سرفراز کو ٹی 20 کی کپتانی سے ہٹانیکی وجہ سمجھ نہیں آئی۔پی ٹی آئی سینیٹر نے سرفراز کو سراہتے ہوئے مزید لکھا کہ ٹی 20 میں ان کی کارکردگی شاندار رہی ہے، بطور کپتان انہوں نے ٹیم کو سب سے زیادہ فتوحات دلوائیں۔فیصل جاوید نے ٹیم کو ٹی 20 میں نمبر1 پر لانے اورکوئٹہ گلیڈی ایٹر کیلئے بھی سرفراز کی خدمات کی تعریف کی۔یاد رہے کہ پی سی بی نے ڈھائی سال سے کپتانی کے فرائض سرانجام دینے والے سرفراز کو تینوں فارمیٹس سے ہٹاتے ہوئے ان کی جگہ اظہرعلی کو ٹیسٹ ٹیم اور بابراعظم کو ٹی 20 فارمیٹ کا کپتان مقرر کیا ہے۔پی سی بی کی جانب سے فی الحال ایک روزہ میچز کے لیے نئے کپتان کے نام کا اعلان نہیں کیا گیا۔قومی کرکٹ ٹیم نے سرفراز کی قیادت میں 50 ون ڈے انٹرنیشنل میچز کھیلے جن میں سے 28 میں فتح اور 20 میں شکست ہوئی۔ ٹی 20 میں سرفراز نے مسلسل 11 سیریزجیتیں۔ مجموعی طور پر37 ٹی 20 میچزمیں سے 29 جیتے اور 8 ہارے۔ ٹیسٹ کرکٹ میں سرفراز نے 13 میچز کی کپتانی کی جن میں سے ٹیم نے محض 4 میچ جیتے جبکہ 8 میں شکست کا منہ دیکھنا پڑا۔سال 2017 میں چیمئنزٹرافی میں شاندار فتح بھی سرفراز کے کریڈٹ پر ہے جبکہ سال 2019 کے ورلڈ کپ میں ان کی کپتانی میں ٹیم اوسط کارکردگی کی بنا پر ناک آئوٹ رائونڈ تک بھی نہ پہنچ پائی تھی۔
فروری 2024 کے بعد ملک میں آنے والی گندم کی انکوائری جاری ہے،رانا تنویر
سابق نگران وزیراعظم گندم تحقیقاتی کمیٹی کے سامنے پیشی کیلئے تیار
پرویز الٰہی کے گھر کو سب جیل قرار دینے کی درخواست منظور
بہترین معاشی پالیسیوں کی وجہ سے استحکام پیدا ہورہا ہے، وزیر خزانہ
حوالہ ہنڈی اور غیر قانونی ایکسچینج کے خلاف ملک گیر کریک ڈاؤن، 62 کروڑسے زائد رقم برآمد ، 337 گرفتار
پی ٹی آئی نے ججز تقرری کی مجوزہ آئینی ترامیم مسترد کر دیں
گورنر پنجاب سردار سلیم حیدر کی تقریب حلف برداری ملتوی
بانی پی ٹی آئی کی گرفتاری کے 2 پہلو ہیں، مولانا فضل الرحمان
وزیر اعلیٰ پنجاب سے کورین سفیر کی ملاقات، دونوں ممالک کے باہمی تعاون کی ضرورت پر زور
زہر خورانی سے خاتون سمیت 3 بچیاں جاں بحق