لندن(سی این پی)دنیا بھر میں غربت دور کرنے کے لیے کام کرنے والے ادارے آکسفیم نے اپنی رپورٹ میں بتایا ہے کہ دنیا کے 8 امیر ترین افراد کے پاس اتنی دولت ہے جو دنیا کی آدھی آبادی کی دولت کے برابر ہے۔یہ تفصیلات دنیا بھر میں غربت کم کرنے کے لیے کام کرنے والے ادارے آکسفیم نے اکٹھی کی ہیں۔ اس سے پہلے مشہور بین الاقوامی میگزین فوربز نے دنیا کے امیر ترین افراد کی فہرست جاری کی تھی جس کے مطابق دنیا کے امیر ترین شخص ای کامرس کمپنی امیزون کے جیف بیزوس ہیں جن کے پاس کل دولت 131 ارب امریکی ڈالر ہے۔دوسرے نمبر پر بل گیٹس ہیں جن کے اثاثے ساڑھے 96 ارب ڈالر ہیں اور وہ اپنے اثاثوں میں سے تقریبا 36 ارب ڈالر اپنی فلاحی تنظیم کو عطیہ کر چکے ہیں ورنہ وہ اور بھی امیر ہوتے۔60 سے زائد کمپنیوں کے مالک وارن بوفیٹ ساڑھے 82 ارب ڈالر کے ساتھ تیسرے نمبر اور کرسچن ڈایور سمیت کئی لگژری آئٹمز بنانے والی کمپنیوں کے مالک بغناغد آغنوت 76 ارب ڈالر کے ساتھ چوتھے نمبر پر ہیں۔میکسیکو کے کارلوس سلم پانچویں، اسپین کے امینسیو اورٹیگا چھٹے اوریکل کے لیری ایلیسن ساتویں اور فیس بک کے مارک زکربرگ آٹھویں نمبر پر ہیں۔آکسفیم کے مطابق دنیا میں 1810 ارب پتی موجود ہیں جن کے پاس موجود دولت دنیا کے 70 فیصد افراد کے برابر ہے۔ دنیا کی آدھی غریب ترین آبادی میں سے 80 فیصد افریقا اور بھارت میں رہتے ہیں۔دنیا کے امیر ترین آدمی جیف بیزوس اپنی دولت سے پاکستان بھر کا 3 سال کا بجٹ چلا سکتے ہیں تاہم وہ اپنی تمام تر دولت کے ساتھ امریکا کو صرف 5 دن چلا پائیں گے۔اخبار اکنامک ٹائمز کے مطابق بھارت کے امیر ترین آدمی مکیش امبانی سارے بھارت کا 20 دن کا خرچہ اٹھا سکتے ہیں۔ چین کے امیر ترین آدمی علی بابا کے جیک ما چین کا 4 دن کا خرچہ چلا سکتے ہیں جبکہ سعودی عرب کے شہزادہ الولید چاہیں تو اپنے ملک کا خرچہ 26 دن تک چلا سکتے ہیں۔
حوالہ ہنڈی اور غیر قانونی ایکسچینج کے خلاف ملک گیر کریک ڈاؤن، 62 کروڑسے زائد رقم برامد ، 337 گرفتار
پی ٹی آئی نے ججز تقرری کی مجوزہ آئینی ترامیم مسترد کر دیں
گورنر پنجاب سردار سلیم حیدر کی تقریب حلف برداری ملتوی
بانی پی ٹی آئی کی گرفتاری کے 2 پہلو ہیں، مولانا فضل الرحمان
وزیر اعلیٰ پنجاب سے کورین سفیر کی ملاقات، دونوں ممالک کے باہمی تعاون کی ضرورت پر زور
زہر خورانی سے خاتون سمیت 3 بچیاں جاں بحق
آئندہ بارہ گھنٹے کے دوران ملک کے بیشتر حصوں میں موسم زیادہ تر خشک اور گرم رہے گا
پاکستان کا مستقبل روشن ہے اورخطے کا اگلا ٹیک حب بننے کی جانب گامزن ہے،مسعودخان
باردانہ کے حصول میں مشکلات دور کرنے کیلئے قومی غذاتی تحفظ کمیٹی قائم
کالعدم تنظیم کے دہشتگرد اپنے ہی ساتھیوں کی فائرنگ سے ہلاک