احتساب عدالت نے جیل میں سابق صدر پاکستان آصف علی زرداری کو اے سی کی سہولت فراہم کرنے سے متعلق فیصلہ سنادیا۔ آصف زرداری کو اے سی کے لیے میڈیکل آفیسر سے رابطے کی ہدایت کی گئی ہے۔جمعہ کو اڈیالہ جیل حکام کے خلاف توہین عدالت کی آصف زرداری کی درخواست پر سماعت ہوئی۔ جج نے استفسار کیا کہ بہتر کلاس کے ملزم کو اے سی کی سہولت دی جاتی ہے تو آصف زرداری کو کیوں نہیں دے رہے؟عدالت نے اڈیالہ جیل کے حکام پر سخت برہمی کا اظہار کیا جس پر نمائندہ جیل نے بتایا کہ نواز شریف کو میڈیکل گرائونڈ پر اے سی کی سہولت دی گئی،آصف زرداری کا بھی 29 اگست کو طبی معائنہ ہو چکا ہے، اگر ان کی طبیعت زیادہ خراب ہوتی تو ڈاکٹرز انہیں اسپتال میں داخل کرلیتے، ڈاکٹرز نے اے سی فراہم کرنے کی ہدایت بھی نہیں کی ہے۔جج محمد بشیر نے ریمارکس دیئے کہ ہرکیس ایک نوعیت کا نہیں ہوتا، قانون کوئی ڈیکوریشن پیس نہیں کہ سجا کر رکھ دو،روایات پر نہیں بلکہ قانون پر عمل کریں۔احتساب عدالت نے آصف زرداری کو اے سی کی سہولت سے متعلق عدالت نے فیصلہ سنا دیا اور اے سی کے لیے میڈیکل آفیسر سے رابطے کی ہدایت کی۔ عدالتی فیصلے میں کہا گیا ہے کہ میڈیکل آفیسر اے سی تجویز کریں تو اجازت دی جائے، اگر ڈاکٹر یہ کہیں کہ اے سی ضروری ہے تو لگایا جائے۔ عدالت نے آصف زرداری کی درخواست ہدایات کے ساتھ نمٹا دی۔عدالت نے جیل میں آصفہ بھٹو اور دیگر کو آصف زرداری سے ملاقات کی اجازت نہ دینے کے خلاف درخواست پر بھی سماعت کی۔ اسسٹنٹ کمشنر مہرین بلوچ، اے ایس پی عائشہ گل اور اڈیالہ جیل حکام پیش ہوئے۔عدالت نے تحریری جواب جمع کرانے کا حکم دے دیا۔کیس کی مزید سماعت 18 ستمبرکو ہوگی۔
وفاقی دارالحکومت کی مثالی سکیورٹی، چور آئی جی کے گھر کے باہر سے ٹیلی فون کیبلز کاٹ کر لے گئے
بجٹ میں سرکاری ملازمین کی تنخواہوں اور پنشن میں کتنا اضافہ ہوگا؟
چائنہ سی پیک فیز ٹو کے ذریعے زراعت، صنعت اور ایکسپورٹ میں جدت لائے گا،شی یانگ چیانگ
کرغزستان میں پاکستانی طلبہ پر حملے جاری، وزیراعظم کی اسحاق ڈار کو فوری بشکیک پہنچنے کی ہدایت
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار
پاکستانی طلبا پر تشدد، کرغستان کے ناظم الامور کی دفتر خارجہ طلبی