لندن(سی این پی) امریکا میں پولیس اہلکار کے ہاتھوں ہلاک ہونے والے سیاہ فام شخص جارج فلائیڈ کی موت کا مذاق اڑانے پر 3 برطانوی نوجوانوں کو گرفتار کرلیا گیا۔میڈیا رپورٹس کے مطابق اسنیپ چیٹ ویڈیو میں امریکی سیاہ فام شخص جارج فلائیڈ کی موت کا مذاق اڑانے پر تین برطانوی نوجوانوں کو گرفتار کرلیا گیا۔جارج فلائیڈ کی موت کے بعد امریکا میں مظاہرے جاری ہیں تاہم ان تینوں نوجوانوں نے مذاق اڑانے والی اسنیپ چیٹ ویڈیو کو پچھلے ہفتے شائع کیا، ویڈیو تیزی سے وائرل ہوئی تو وہ اپنی سوشل میڈیا پروفائل بند کرنے پر مجبور ہوگئے۔رپورٹ کے مطابق ویڈیو وائرل ہونے کے بعد تینوں نوجوانوں کو جان سے مارنے کی دھمکیاں دی گئیں اور خیال کیا جارہا ہے کہ وہ پولیس کی حراست میں ہیں تاہم نارتھمبریہ پولیس نے اس کی تصدیق نہیں کی ہے۔ایک پولیس ترجمان نے انکشاف کیا ہے کہ تینوں نوجوانوں کو گرفتار کیا گیا تھا بعدازاں انہیں ضمانت پر رہا کردیا گیا ہے، نوجوانوں کا یہ اقدام نفرت انگیز جرم کے زمرے میں آتا ہے۔پولیس ترجمان کا کہنا ہے کہ تینوں نوجوانوں کے خلاف مزید تحقیقات جاری ہیں۔واضح رہے کہ امریکا میں ایک پولیس اہلکار کے ہاتھوں سیاہ فام شخصجارج فلائیڈ کی موت پر ہونے والے پرتشدد مظاہروں کے بعد 16 ریاستوں کے 25 شہروں میں کرفیو نافذ کردیا گیا ہے۔خیال رہے کہ کچھ روز قبل امریکی ریاست منی سوٹا میں پولیس افسر ڈیرک چون کے تشدد کے باعث سیاہ فام امریکی شخص جارج فلائیڈ ہلاک ہوگیا تھا، پولیس افسر متاثرہ شخص کی گردن پر کافی دیر تک گھٹنا رکھے بیٹھا رہا جو اس کی موت کا باعث بنا۔
حوالہ ہنڈی اور غیر قانونی ایکسچینج کے خلاف ملک گیر کریک ڈاؤن، 62 کروڑسے زائد رقم برامد ، 337 گرفتار
پی ٹی آئی نے ججز تقرری کی مجوزہ آئینی ترامیم مسترد کر دیں
گورنر پنجاب سردار سلیم حیدر کی تقریب حلف برداری ملتوی
بانی پی ٹی آئی کی گرفتاری کے 2 پہلو ہیں، مولانا فضل الرحمان
وزیر اعلیٰ پنجاب سے کورین سفیر کی ملاقات، دونوں ممالک کے باہمی تعاون کی ضرورت پر زور
زہر خورانی سے خاتون سمیت 3 بچیاں جاں بحق
آئندہ بارہ گھنٹے کے دوران ملک کے بیشتر حصوں میں موسم زیادہ تر خشک اور گرم رہے گا
پاکستان کا مستقبل روشن ہے اورخطے کا اگلا ٹیک حب بننے کی جانب گامزن ہے،مسعودخان
باردانہ کے حصول میں مشکلات دور کرنے کیلئے قومی غذاتی تحفظ کمیٹی قائم
کالعدم تنظیم کے دہشتگرد اپنے ہی ساتھیوں کی فائرنگ سے ہلاک