واشنگٹن(سی این پی)امریکی وزراتِ دفاع پینٹاگون نے اعلان کیا ہے کہ مشترکہ پروڈکشن لڑاکا طیارے ایف۔35 کے پارچہ جات کے لیے سال 2022 تک ترک فرموں کے ساتھ کام کرنے کے عمل کو جاری رکھا جائیگا۔پینٹاگون کی ترجمان جیسیکا میکس ویل کا کہنا ہے کہ ترک فرموں کی جانب سے ایف۔35 لڑاکا طیارے کے لیے تیار کردہ 139 پارچہ جات کی پیداوار کا عمل سال 2022 تک جاری رہے گا۔ان کا کہنا تھا کہ ہمارے صنعتی شراکت دار موجودہ معاہدوں پر کام کرتے رہیں گے۔ ایف۔35 پروگرام نے موجودہ حالات میں مالیت، نظام کو بگاڑنے اور بلا وجہ معاہدوں کی تنسیخ سے گریز کرنے کی کوشش کی ہے۔یاد رہے کہ گزشتہ برس ماہ جولائی میں ترکی کے روسی ایس۔400 میزائل دفاعی نظام کی خرید کے جواز میں امریکہ نے ترکی کی ایف۔35 پروگرام میں شراکت داری کو التوا میں ڈال دیا تھا۔تا ہم امریکہ نے ترک فرموں کی جانب سے طیارے کے بعض پارچہ جات کی پیدوار کے لیے موجودہ معاہدوں کو منسوخ نہیں کیا تھا اور ترک فرموں کو تیار شدہ پارچہ جات کو امریکہ کو ترسیل کی اجازت دے دی تھی۔کورونا وائرس کی وبا کے بعد ایف۔35 کے حصوں کی پیداوار میں اہم سطح پر خلل آیا تھا ، ترک فرمیں ایف۔35 کے 1 ہزار سے زائد پارچہ جات کو ترکی میں تیار کرتی ہیں۔
