ریاض(سی این پی) سعودی حکومت نے وضاحت کی ہے کہ ماہ رمضان میں عمرہ اور نماز کے اجازت نامے توکلنا ایپ کے ذریعے ویکسین ہولڈرز کو دیئے جائیں گے۔کورونا کی دونوں ویکسینز یا پہلی ویکسین پر 14 دن گزارنے والوں یا وائرس سے شفا پانے والوں کو جاری ہوں گے۔ یہ پروگرام یکم رمضان منگل 13 اپریل سے شروع ہوگا، اس کیلئے کورونا ایس او پیز کی پابندی لازمی ہوگی۔میڈیارپورٹس کے مطابق انتظامیہ کے عہدیدار نے مزید کہا کہ عمرہ اور مسجد الحرام میں نماز کے اجازت نامے صرف اعتمرنا اور توکلنا ایپ کے ذریعے حاصل کیے جائیں۔اس کے علاوہ کسی اور ذریعے سے حاصل کردہ اجازت نامے غیر معتبر اورغیر موثر ہوں گے، فرضی پلیٹ فارموں اور جعلی ویب سائٹس سے ہوشیار رہا جائے۔ حرم مکی جانے سے قبل عمرہ یا نماز کے اجازت نامے کی تاریخ اور وقت ضرور چیک کرلیں۔انتظامیہ کے عہدیدار نے مزید کہا کہ مسجد الحرام میں داخل ہوتے وقت متعلقہ اہلکاروں کو توکلنا ایپ کے ذریعے عمرہ یا نماز کا اجازت نامہ دکھانا ضروری ہے۔دوسری جانب مقدس مساجد کی انتظامیہ نے کہا ہے کہ مسجد الحرام میں عمرہ زائرین اور نمازیوں کی تعداد میں بڑی گنجائش کا فیصلہ کیا گیا ہے۔ روزانہ پچاس ہزار افراد عمرہ اور ایک لاکھ افراد نماز ادا کرسکیں گے۔ذرائع کے مطابق انتظامیہ کے عہدیدار نے بتایا ہے کہ اعلی قیادت نے مسجد الحرام میں عمرہ اور نماز کے لیے توسیع کا فیصلہ زائرین کی صحت و سلامتی کے تحفظ کو یقینی بنانے والے اقدامات کے ساتھ کیا ہے۔
بجلی مزید دو روپے 84 پیسے فی یونٹ مہنگی
سکیورٹی فورسز کے آپریشنز، 6 دہشتگرد جہنم واصل
وزیراعظم سے ازبک وزیر خارجہ کی ملاقات، باہمی تعاون بڑھنے پر تبادلہ خیال
ممبر قومی اسمبلی ڈاکٹر فضل چوہدری سے اسلام آباد پولیس حکام کی ملاقات
9مئی کے ناقابل تردید ثبوت موجود، مقدمات منطقی انجام تک کیوں نہیں پہنچے، عطا تارڑ
لاہور، عدالتوں کی منتقلی پر وکلا کا احتجاج، پولیس کا لاٹھی چارج اور شیلنگ، متعدد گرفتار
9 مئی کی زیادہ تر ویڈیوز پی ٹی آئی نے خود فخریہ انداز میں بنائیں،خواجہ آصف
بشریٰ بی بی کو اڈیالہ جیل منتقل کرنے کی درخواست منظور
9 مئی کو بغیر اجازت ریلی کی اجازت نہیں دی جائے گی: اسلام آباد پولیس
سورج کا پارہ ہائی، شہری گرمی سے بے حال