بیجنگ(سی این پی)چین کے اعلی ماہر وبائی امراض ژونگ نان شان نے نوول کروناوائرس کیخلاف لڑنے اور اگلی عالمی وبا روکنے کیلئے عالمی یکجہتی اور تعاون پر زور دیا ہے۔ان خیالات کا اظہار آزاد پینل برائے عالمی وبا کیلئے تیاری وردعمل(آئی پی پی پی آر)کے رکن ژونگ نے شِنہوا کو دیئے گئے حالیہ خصوصی انٹرویو میں کیا۔انہوں نے کہا کہ جولائی 2020 میں عالمی ادارہ صحت (ڈبلیو ایچ او)نے ادارے کی قیادت میں نوول کروناوائرس کی عالمی وبا کیخلاف عالمی ردعمل کا اندازہ لگانے کیلئے آزاد پینل برائے عالمی وبا کیلئے تیاری وردعمل تشکیل دینے کا اعلان کیا تھا۔ژونگ نے کہا کہ نوول کروناوائرس کی عالمی وبا کو روکا جا سکتا تھا،انہوں نے مزید کہا کہ آزاد پینل برائے عالمی وبا کیلئے تیاری وردعمل کا مقصد عالمی صحت ایمرجنسی سے سبق سیکھنا اور مستقبل کیلئے تجاویز پیش کرنا تھا۔پینل نے 12مئی کو ایک رپورٹ جاری کی جس میں عالمی وباء کی روک تھام اور ردعمل میں موجود خلا اور ترجیحی میدانوں کے ممکنہ حل کی نشاندہی کی گئی۔ژونگ نے کہا کہ بڑے پیمانے پر ویکسی نیشن کے ذریعے قوت مدافعت حاصل کرنا موجودہ وبا پر قابو پانے کا ایک اہم ذریعہ ہے لیکن فی الحال ویکسینز منصفانے سے تقسیم نہیں کی جارہیں۔رپورٹ میں نوول کروناوائرس ویکسین کو عالمی عوامی فلاح بنانے کا مطالبہ کیا گیا ہے، رپورٹ کے مطابق زیادہ آمدن والے ممالک کو کوویکس سہولت میں حصہ ڈالنا چاہئے جس کا مقصد نوول کروناوائرس ویکسین تک کم سے درمیانی آمدن والے ممالک کو مساوی رسائی فراہم کرنا ہے۔
حوالہ ہنڈی اور غیر قانونی ایکسچینج کے خلاف ملک گیر کریک ڈاؤن، 62 کروڑسے زائد رقم برامد ، 337 گرفتار
پی ٹی آئی نے ججز تقرری کی مجوزہ آئینی ترامیم مسترد کر دیں
گورنر پنجاب سردار سلیم حیدر کی تقریب حلف برداری ملتوی
بانی پی ٹی آئی کی گرفتاری کے 2 پہلو ہیں، مولانا فضل الرحمان
وزیر اعلیٰ پنجاب سے کورین سفیر کی ملاقات، دونوں ممالک کے باہمی تعاون کی ضرورت پر زور
زہر خورانی سے خاتون سمیت 3 بچیاں جاں بحق
آئندہ بارہ گھنٹے کے دوران ملک کے بیشتر حصوں میں موسم زیادہ تر خشک اور گرم رہے گا
پاکستان کا مستقبل روشن ہے اورخطے کا اگلا ٹیک حب بننے کی جانب گامزن ہے،مسعودخان
باردانہ کے حصول میں مشکلات دور کرنے کیلئے قومی غذاتی تحفظ کمیٹی قائم
کالعدم تنظیم کے دہشتگرد اپنے ہی ساتھیوں کی فائرنگ سے ہلاک