نئی دہلی(سی این پی)بھارتی سپریم کورٹ کے سابق جج مرکنڈے کاٹجو نے کہا کہ خالی دماغ کے جوکر مودی میں اقلیتوں سے نفرت بھری ہے، جوکر ملک کی قسمت کا مالک بن گیا ہے۔تفصیلات کے مطابق بھارتی سپریم کورٹ کے سابق جج مرکنڈے کاٹجو نے کہا کہ بھارت میں طوفان آ رہا ہے لیکن عوام کی آنکھیں،کان بند ہیں، طوفان میں لاکھوں افراد بہہ جائیں گے۔مرکنڈے کاٹجو نے کہا کہ بھارت میں ادارے کھوکھلے ہوچکے ہیں، معیشت ڈوب رہی ہے۔سابق بھارتی جج نے کہا کہ خالی دماغ کے جوکرمیں اقلیتوں سے نفرت بھری ہے، خالی دماغ کا جوکر مودی ملک کی قسمت کا مالک بن گیا ہے۔انہوں نے مزید کہا کہ جوکر کی مہارت یوگا ڈے، گائے کے تحفظ، رام مندرکی تعمیر سے شعبدوں تک ہے۔یاد رہے کہ 9 اکتوبر کو بھارتی سپریم کورٹ کے سابق جج مرکنڈے کاٹجو نے بھارتی فوج کوجعلی قرار دیتے ہوئے کہا تھا کہ بھارت اسلحہ سازی کی صلاحیت سیمحروم ہے، بھارتی فوج صرف چند ہفتوں تک جنگ کرسکتی ہے۔اس سے قبل گزشتہ ہفتے بھارتی سپریم کورٹ کے سابق جج جسٹس مرکنڈے کاٹجو کا کہنا تھا کہ بھارتی معاشی بحران پر ہندوستانی مسلمانوں کو چن چن کر نشانہ بنایا جائے گا۔
