سڈنی(سی این پی) قومی کرکٹ ٹیم کے دورہ آسٹریلیا کا پہلا پریکٹس میچ (آج) 30 اکتوبر کو سڈنی میں کھیلا جائے گا۔تفصیلات کے مطابق پاکستان اور آسٹریلیا کے درمیان ٹی 20 سیریز کے میچز 3 نومبر کو سڈنی، 5 کو کینبرا اور 8 نومبر کو پرتھ میں کھیلے جائیں گے۔ٹی ٹوئنٹی ٹیم کی قیادت بابر اعظم کر رہے ہیں جبکہ دیگر کھلاڑیوں میں فخر زمان، آصف علی، حارث سہیل، افتخار احمد، عماد وسیم، امام الحق، خوش دل شاہ، محمد عامر، محمد حسنین، محمد عرفان، محمد رضوان، موسیٰ خان، شاداب خان، عثمان قادر اور وہاب ریاض شامل ہیں۔ٹیسٹ ٹیم کی قیادت اظہر علی کریں گے جبکہ دیگر کھلاڑیوں میں عابد علی، اسد شفیق، بابر اعظم، حارث سہیل، عمران خان، افتخار احمد، کاشف بھٹی، محمد عباس، محمد رضوان، موسیٰ خان، نسیم شاہ، شاہین شاہ آفریدی، شان مسعود اور یاسر شاہ شامل ہیں۔شیڈول کے مطابق 3 نومبر کو قومی ٹیم پہلا ٹی ٹونٹی میچ بمقام سڈنی میں کھیلے گی، آسٹریلیا اور قومی کرکٹ ٹیموں کے درمیان دوسرا ٹی ٹوئنٹی میچ پانچ نومبر جبکہ تیسرا میچ 8 نومبر کھیلا جائے گا۔شیڈول کے تحت دونوں ٹیموں کے درمیان11تا 13نومبر کو تین روزہ وارم اپ میچ کھیلا جائے گا جبکہ 15تا 16نومبر کو دوروزہ وارم اپ میچ کھیلا جائے گا۔ 21تا 25نومبر کو پہلا ٹیسٹ میچ کھیلا جائے گا جبکہ 29 نومبر تا 3 دسمبر تک دوسراٹیسٹ میچ کھیلا جائے گا ۔
