نیویارک(سی این پی)اقوام متحدہ کے سیکرٹری جنرل انتونیو گوئٹزز نے کہا ہے کہ ہمیں مستقبل کی نسلوں کے بہتر مستقبل اور پائیدار شہری ترقی کو یقینی بنانے کے لئے جدت آمیز پہلوئوں کے ساتھ اربن چیلنجوں سے نبرد آزما ہونے کا عزم کرنا چاہیے۔ ورلڈ سٹیز ڈے کے موقع پر اپنے پیغام میں انہوں نے کہا کہ دنیا کی آدھی سے زیادہ آبادی شہروں میں مقیم ہے اور 2050 تک دوتہائی آبادی شہروں میں آباد ہوگی جن کی ضروریات کو پوری کرنے کے لئے زیادہ وسائل کی ضرورت ہوگی، ہمیں نئے شہر بھی تعمیر کرنا ہوں گے، یہ چیلنجز ہمیں ماحولیاتی مسائل کے حل اور ایک پائیدار مستقبل کی جانب گامزن ہونے کے بھرپو مواقع فراہم کریں گے۔ انہوں نے کہا کہ شہروں میں دنیا کی دو تہائی سے زیادہ توانائی استعمال ہوتی ہے، جہاں عالمی کاربن ڈائی آکسائیڈ کا 70فیصد سے زائد اخراج ہوتا ہے۔ انہوں نے کہا کہ آنے والے عشروں میں ہمیں پائیدار شہری انفرا سٹرکچر پر توجہ دینا ہوگی جس میں اربن پلاننگ ،توانائی کی بچت ،بجلی کی پیداوار اور ٹرانسپورٹ نمایاں ہیں۔ انہوں نے کہا کہ ورلڈ سٹیز ڈے اربن اکتوبر کے آخر میں منایا جارہا ہے یہ مہینہ ہمیں شہری چیلنجوں ،کامیابیوں اور پائیدار ترقی کے متعلق شعوری آگاہی فراہم کرتا ہے ۔انہوں نے کہا کہ زبردست ماحولیاتی نقوش کے ساتھ شہروںسے 80 فیصد سے زائد عالمی مجموعی پیداوار حاصل ہوتی ہے جو تعلیم اور کاروباری مراکز کے ساتھ جدت آمیزی اور تخلیق کاری کے بھی مراکز ہیں ،جہاں نوجوان ہر شعبہ میں آگے بڑ ہ رہے ہیں ۔سیکرٹری جنرل نے کہا کہ پبلک ٹرانسپورٹ ، متبادل توانائی اور بہتر ویسٹ منیجمنت سمیت پائیدار ترقی کے لئے کئی مسائل حل طلب ہیں ۔ انہوں نے کہا کہ یہ بات حوصلہ افزا ہے دنیا بھر کے شہروں میں اب اس جانب توجہ دی جارہی ہیں ہمیں اس وژن کو ایک نیا معیار بنانے کی ضرورت ہے اور اب وقت آگیا ہے کہ ہم اپنے اس لائحہ عمل پر بھرپور طور گامزن ہوں۔
حوالہ ہنڈی اور غیر قانونی ایکسچینج کے خلاف ملک گیر کریک ڈاؤن، 62 کروڑسے زائد رقم برامد ، 337 گرفتار
پی ٹی آئی نے ججز تقرری کی مجوزہ آئینی ترامیم مسترد کر دیں
گورنر پنجاب سردار سلیم حیدر کی تقریب حلف برداری ملتوی
بانی پی ٹی آئی کی گرفتاری کے 2 پہلو ہیں، مولانا فضل الرحمان
وزیر اعلیٰ پنجاب سے کورین سفیر کی ملاقات، دونوں ممالک کے باہمی تعاون کی ضرورت پر زور
زہر خورانی سے خاتون سمیت 3 بچیاں جاں بحق
آئندہ بارہ گھنٹے کے دوران ملک کے بیشتر حصوں میں موسم زیادہ تر خشک اور گرم رہے گا
پاکستان کا مستقبل روشن ہے اورخطے کا اگلا ٹیک حب بننے کی جانب گامزن ہے،مسعودخان
باردانہ کے حصول میں مشکلات دور کرنے کیلئے قومی غذاتی تحفظ کمیٹی قائم
کالعدم تنظیم کے دہشتگرد اپنے ہی ساتھیوں کی فائرنگ سے ہلاک