اسلام آباد (سی این پی)عالمی مالیاتی فنڈ (آئی ایم ایف) کے تکنیکی ماہرین کی ٹیم ایف بی آر حکام سے ٹیکس پالیسی پر مشاورت کے لیے پاکستان پہنچ گئی۔تفصیلات کے مطابق عالمی مالیاتی فنڈ (آئی ایم ایف) کے ماہرین کی ٹیم پاکستان پہنچ گئی، ذرائع نے کہا ہے کہ آئی ایم ایف ماہرین آج سے ایف بی آر حکام سے ملاقاتیں کریں گے، جس میں ٹیکس ریونیو اور ٹیکس نیٹ بڑھانے کیلئے مشاورت کریں گے۔ذرائع کا کہنا تھا کہ تکنیکی ماہرین کا وفد ایف بی آرکیساتھ تقریباًایک ہفتہ ٹیکس پالیسی پرمشاورت کرے گی ساتھ ہی ایف بی آر اور آئی ایم ایف تکنیکی وفد ٹیکس پالیسی میں ترامیم کیلئے اقدامات کریں گے۔
ذرائع ایف بی آر نے کہا کہ ٹیکس پالیسی میں ترامیم کا مقصد ٹیکس نیٹ کو وسیع کرنا ہے اور ماہرین کی مشاورت کا مقصد زیادہ ٹیکس اکٹھا کرنا ہو گا۔ریٹیلرز کیلئےاسکیم کا بنیادی ڈھانچہ بھی تکنیکی وفد کیساتھ ملکر تیار کیا جائے گا اور مزید 10لاکھ لوگوں کوٹیکس نیٹ میں لاکر ٹیکس ادا کرنیوالوں کی تعداد60لاکھ تک پہنچائی جائے گی۔تکنیکی وفد کے ساتھ مل کرٹیکس پالیسی میں ترامیم تیار کی جائیں گی اور تیار کی جانے والی ٹیکس ترامیم آئندہ بجٹ میں نافذالعمل ہوں گی۔ٹیکس پالیسی اورانفورسمنٹ میں بہتری کیلئےتکنیکی وفد معاونت کرے گا،آئی ایم ایف ماہرین کی ٹیم ایک ہفتہ تک پاکستان میں قیام کرے گی تاہم آئی ایم ایف ٹیم کاموجودہ قرض پروگرام اور اس کی قسط سےکوئی تعلق نہیں۔
