اسلام آباد (سی این پی) پاکستان میں ای کامرس کے شعبہ کی ترقی کے وسیع امکانات موجود ہیں اور اس حوالے سے کئے جانے والے اقدامات سے مستقبل میں ملک کے دور دراز علاقوں میں عام آدمی کو بینکاری کی سہولیات تک رسائی کو یقینی بنانے میں مدد ملے گی۔ یہ بات اقوام متحدہ کے ایک ادارے کی رپورٹ میں بتائی گئی ہے۔ ای کامرس کی سہولیات سے استفادہ معاشی ترقی کے لئے انتہائی ضروری ہے جس سے معاشرے سے تمام طبقات تک اقتصادی ترقی کے ثمرات پہنچائے جاسکتے ہیں۔ یونائیٹڈ نیشنز کانفرنس آن ٹریڈ اینڈ ڈویلپمنٹ (یو این سی ٹی اے ڈی) کی ”بزنس ٹوکنز لومر ای کامرس انڈیکس 2019ئ“ رپورٹ کے مطابق ای کامرس کے شعبہ میں پاکستان خطے کے دیگر کئی ممالک سے پیچھے ہے۔ رپورٹ کے مطابق 152 ممالک میں پاکستان کا 114 واں نمبر ہے جبکہ چین 15 ویں ‘ جنوبی کوریا 19 ویں اور جاپان 21ویں نمبر پر ہے۔اسی طرح انڈیکس کے مطابق سری لنکا 86 ویں اور بنگلہ دیش کا نمبر 103 ہے ۔دنیا کے کم تر ترقی یافتہ ممالک آخری بیس ممالک میں شامل ہیں۔ رپورٹ میں آن لائن شاپنگ‘ انٹرنیٹ کی سہولیات ‘ بینک اکاﺅنٹ ہولڈرز اور محفوظ ترین انٹرنیٹ کی سہولیات کی دستیابی کے حوالے سے دنیا بھر کے 152 ممالک کی درجہ بندی کی گئی ہے جس میں پاکستان 114 ویں نمبر پر ہے۔ رپورٹ کے مطابق پاکستان میں انٹرنیٹ استعمال کرنے والوں کی 5 فیصد تعداد آن لائن خریداروں میں شامل ہیں جو مجموعی آبادی کے ایک فیصد کے قریب ہیں جبکہ چین میں یہ شرح 69 فیصد ‘ جنوبی کوریا میں 60 فیصد ‘ جاپان میں 49 فیصد ‘ سری لنکا میں 13 فیصد اور بنگلہ دیش میں 8 فیصد ہے۔ یو این سی ٹی اے ڈی کے مطابق پاکستان میں پندرہ سال سے زائد عمر کے افراد میں سے 21 فیصد بینک اکاﺅنٹ یا موبائل بینک اکاﺅنٹس ہولڈرز ہیں‘ اقوام متحدہ کے ادارے کی رپورٹ کے مطابق پاکستان میں ای کامرس کے شعبہ کی ترقی کے وسیع امکانات موجود ہیں اور اس حوالے سے کئے جانے والے اقدامات سے مستقبل میں ملک کے دور دراز علاقوں میں عام آدمی کو بینکاری کی سہولیات تک رسائی کو یقینی بنانے میں مدد ملے گی.
سابق نگران وزیراعظم گندم تحقیقاتی کمیٹی کے سامنے پیشی کیلئے تیار
پرویز الٰہی کے گھر کو سب جیل قرار دینے کی درخواست منظور
بہترین معاشی پالیسیوں کی وجہ سے استحکام پیدا ہورہا ہے، وزیر خزانہ
حوالہ ہنڈی اور غیر قانونی ایکسچینج کے خلاف ملک گیر کریک ڈاؤن، 62 کروڑسے زائد رقم برآمد ، 337 گرفتار
پی ٹی آئی نے ججز تقرری کی مجوزہ آئینی ترامیم مسترد کر دیں
گورنر پنجاب سردار سلیم حیدر کی تقریب حلف برداری ملتوی
بانی پی ٹی آئی کی گرفتاری کے 2 پہلو ہیں، مولانا فضل الرحمان
وزیر اعلیٰ پنجاب سے کورین سفیر کی ملاقات، دونوں ممالک کے باہمی تعاون کی ضرورت پر زور
زہر خورانی سے خاتون سمیت 3 بچیاں جاں بحق
آئندہ بارہ گھنٹے کے دوران ملک کے بیشتر حصوں میں موسم زیادہ تر خشک اور گرم رہے گا