اسلام آباد(سی این پی)اسلام آباد ہائی کورٹ نے نجی اسکولوں کی فیسوں کے تعین کا اختیار پیرا کو دیتے ہوئے فیسوں میں اضافے سے روک دیا۔جمعہ 28 فروری کو اسلام آباد ہائی کورٹ کے جسٹس عامر فاروق نے نجی اسکولز اور طلبہ کے والدین کی 13 درخواستوں کا فیصلہ سنایا۔عدالت نے ہدایت کی کہ پیرا نجی اسکول کی فیسوں کے تعین کیلئے سپریم کورٹ کے فیصلے سے رہنمائی لے۔جسٹس عامر فاروق نے ریمارکس دیے کہ پیرا رولز نہ بننے کے باوجود اس کا بطور ریگولیٹر کردار ہے اور پیرا نے ہی بطور ریگولیٹر فیصلہ کرنا ہے۔ بچوں کو اسکول سے نکالنے کا معاملہ بھی جلد حل کریں۔پرائیویٹ ایجوکیشنل انسٹیٹیوشن ریگولیٹری اتھارٹی (پیرا)کی جانب سے راشد حنیف ایڈووکیٹ پیش ہوئے اور عدالت میں اپنی رپورٹ پیش کی۔ رپورٹ کے مطابق اسلام آباد کے نجی اسکولوں میں 3 لاکھ 25 ہزار طلبا زیر تعلیم ہیں۔ڈاکٹر عظمی قاضی کے بچوں کو اسکول سے نکالنے کیخلاف درخواست پر بھی فیصلہ جاری کیا گیا۔ عدالت نے ہدایت کی کہ پیرا اسکول انتظامیہ اور بچوں کے والدین کو سن کر دو ہفتے میں فیصلہ کرے۔درخواست گزار کے مطابق فیسوں کا معاملہ اٹھانے پر انتقامی کارروائی کے طور پر بچوں کو نکالا گیا تھا۔واضح رہے کہ پیرا نے نجی تعلیمی اداروں کو خط لکھ کر فیسوں کے تعین کیلئے تفصیلات مانگی تھیں جس پر پرائیویٹ تعلیمی اداروں نے پیرا کے خط کو ہائیکورٹ میں چیلنج کیا تھا۔ نجی اسکولوں کا موقف تھا کہ پیرا ہماری فیسوں کا تعین کرنے کا اختیار نہیں رکھتی۔
پاکستان اور آسڑیلیا کا ملٹری ٹو ملٹری تعاون کو مزید وسعت دینے کی خواہش کا اظہار
وفاقی دارالحکومت کی مثالی سکیورٹی، چور آئی جی کے گھر کے باہر سے ٹیلی فون کیبلز کاٹ کر لے گئے
بجٹ میں سرکاری ملازمین کی تنخواہوں اور پنشن میں کتنا اضافہ ہوگا؟
چائنہ سی پیک فیز ٹو کے ذریعے زراعت، صنعت اور ایکسپورٹ میں جدت لائے گا،شی یانگ چیانگ
کرغزستان میں پاکستانی طلبہ پر حملے جاری، وزیراعظم کی اسحاق ڈار کو فوری بشکیک پہنچنے کی ہدایت
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار