بیجنگ(سی این پی)چین نے کہا ہے کہ امریکا بیجنگ اور علاقائی ممالک کے مابین نفرت کے بیج بو رہا ہے۔میڈیا رپورٹ کے مطابق امریکی وزیر خارجہ مائیک پومپیو کے دورہ بھارت سے متعلق اپنے ردعمل میں چینی وزارت خارجہ کے ترجمان وانگ ویبن نے کہا ہے کہ پومپیو کے چین پر الزامات اور حملے کوئی نئے نہیں، یہ بے بنیاد الزامات ہیں جو اس بات کی عکاسی کرتے ہیں کہ امریکہ ابھی تک نظریاتی تعصبات اور سرد جنگ کی ذہنیت میں ہی پھنسا ہوا ہے۔ادھر پومپیو کے دورہ سری لنکا سے قبل چینی سفارتخانے کی جانب سے جاری بیان میں کہا گیا ہے کہ امریکا سری لنکا کو دھمکانے اور دبا ئوڈالنے سے باز رہے۔ امریکی وزیر خارجہ جس طرح چین، سری لنکا تعلقات میں مداخلت اور دونوں ملکوں میں دراڑیں پیدا کرنے کی کوشش کرنا چاہتے ہیں، چین اس کی سختی سے مخالفت کرتا ہے۔واضح رہے کہ امریکہ اور بھارت کے مابین حساس سیٹلائٹ ڈیٹا کی فراہمی کیلئے متنازع دفاعی معاہدے پر دستخط کئے گئے ہیں جس کے تحت بھارت اپنے ہمسائیوں پر میزائل حملے کیلئے امریکی سیٹلائٹ کا ڈیٹا استعمال کر سکے گا۔ پاکستان نے اس حوالے سے شدید تحفظات کا اظہار کیا ہے جس کا ٹرمپ انتظامیہ نے کوئی ردعمل نہیں دیا۔ پاکستان کا موقف واضح اور مدلل ہے کہ بھارت میں مودی جیسے فاشسٹ کے دور حکومت میں ایسا معاہدہ خطے کو شدید خطرات سے دوچار کر دے گا۔ بھارت کا مجرمانہ ریکارڈ دنیا کے سامنے ہے کہ وہ 73 سال سے مقبوضہ کشمیر میں مظلوم مسلمانوں کا خون بہا رہا ہے اس کے باوجود امریکہ کا بھارت کو حساس معلومات فراہم کرنا علاقائی امن و سلامتی پر سوالیہ نشان کھڑے کر رہا ہے۔
وزیراعظم سے آئی ایم ایف سربراہ کی ملاقات، ایک نئے قرض پروگرام پر تبادلہ خیال
کیپٹن کرنل شیرخان شہید کےمزار کی تزئین و آرائش مکمل
اسلام آباد پولیس کے14 ڈی ایس پیز کے تقرر اور تبادلے
مالکان کو ورکرز کا تحفظ اور صحت مند ماحول یقینی بنانا چاہیے، وزیراعلیٰ پنجاب
وزیراعظم نے اسحاق ڈار کو نائب وزیر اعظم مقرر کردیا، نوٹیفکیشن جاری
وزیراعظم کی صدر اسلامی ترقیاتی بینک سے ملاقات، پاکستان میں جاری منصوبوں پر پیش رفت کا جائزہ لیا گیا
موسمیاتی تبدیلی نے پاکستان کو بہت متاثر کیا، 2022ء کے سیلاب نے ملک کو تباہ کردیا، وزیر اعظم
جسٹس بابر ستار کے پاس اس وقت پاکستان کے علاوہ کسی اور ملک کی شہریت نہیں، اسلام آباد ہائی کورٹ
اغوا ہونے والے جج شاکراللہ مروت کا مقدمہ تھانہ سی ٹی ڈی ڈیرہ اسمٰعیل خان میں درج
ڈیرہ اسماعیل خان میں سکیورٹی فورسز کا آپریشن، 2 دہشتگرد ہلاک