برلن (سی این پی)جرمنی میں ایسے افراد کو کورونا وائرس ٹیسٹ یا مستقبل میں قرنطینہ سے نہیں گزرنا پڑے گا جن کی کورونا ویکسینیشن مکمل ہو چکی ہو گی۔ یہ بات جرمن اخبار نے وفاقی وزارت صحت کی طرف سے ریاستی سربراہوں کو لکھے گئے ایک خط کے حوالے سے بتائی ہے۔ مقامی حکومتیں اب اپنے قواعد وضوابط میں اسی اعتبار سے تبدیلی کریں گی۔ یہ سہولت ان لوگوں کے لیے ہو گی جنہوں نے یورپی یونین کی طرف سے منظور کردہ ویکسین لگوائی ہو۔
