واشنگٹن(سی این پی)نیویارک کے سابق ڈیمو کریٹ میئر مائیکل بلوم برگ نے بائیڈن انتظامیہ کو خبردار کردیا۔نیویارک کے سابق ڈیمو کریٹ میئر مائیکل بلوم برگ کا کہنا ہے کہ بائیڈن انتظامیہ کیلئے رواں سال کے مڈٹرم الیکشن بڑا چیلنج ہے، کرونا وبا میں بائیڈن انتظامیہ کی پالیسیوں کو عوام دیکھ رہے ہیں، ووٹرز کے مڈٹرم میں کسی فیصلے سے پہلے فوری اقدامات کرنا ہوں گے۔مائیکل بلوم برگ نے سان فرانسسکو میں اسکول بورڈز کے مطالبے کو پارٹی کیلئے سیاسی زلزلہ قرار دیتے ہوئے کہا کہ فوری اقدامات نہ کئے گئے تو پارٹی کانگریس میں نظر نہیں آئیگی۔ادھر ایک رپورٹ میں کہا گیا ہے کہ کرونا وبا اور بڑھتی مہنگائی بائیڈن انتظامیہ کیلئے پریشان کن ہے۔یاد رہے کہ نیو یارک کے سابق میئر اور ارب پتی کاروباری شخصیت مائیکل بلومبرگ گذشتہ صدارتی الیکشن میں بائیڈن کے حق میں دستبردار ہوگئے تھے۔دوسری جانب سابق امریکی صدر ڈونلڈ ٹرمپ کا کہنا ہے کہ مڈ ٹرم انتخابات میں امریکی عوام جوبائیڈن انتظامیہ کو جواب دے گی، جو بائیڈن انتظامیہ ہر محاذ پر ناکام ہو چکی ہے۔ڈونلڈ ٹرمپ نے ٹیکساس کے شہر کونرو میں امریکہ بچائو ریلی سے خطاب کرتے ہوئے کہا تھا کہ اکثریت حاصل کرتے ہی جو بائیڈن کی پالیسیاں ختم کر دیں گے۔
